الأسئلة الشائعة
متخافش خالص!!
كتالوج منتجاتنا تقريبا لا نهائي, ف طبيعي منلحقش نحط كل المنتجات على الموقع!
تواصل معانا عن طريق اي سوشيال ميديا بتاعتنا عشان تتأكد من وجود الي انت محتاجه و هنزوده للموقع و لو لسة المنتج مش متوفر عندنا, هنعمل ب أقصى جهدنا اننا نوفره ليك!!
سؤال حلو اوي!!
كل كتبنا "الأبيض و الأسود" ذات جودة واحدة, ف مافيش اختلاف فيه! الحركات تبدأ لما ندخل في الكتب الملونه!
احنا عندنا 2 جوده طباعة تختار منهم:
- إينك (Inkjet): الجودة الأرخص و صديقة المحفظة. ألوانها مطفية شوية لكن واضحة جدا. في بعض الناس بتفضلها عشان مفيهاش إنعكاس للضوء.
- ليزر (Lazer): جودتنا الأستثنائية الي بنستعمل فيها نفس المكن الي بيستعملوه المطابع الأصلية. معروف بألوانه الزاهية, الثقيلة و لمعه واضحة مميزه جدا في الكوميكس.
بسس بسس... دوس على العناوين عشان تشوف فيديو مثال ل كل جودة.
احنا بنوفر 2 مقاس تقدر تختار منهم برضوا!
- حجم عادي (Regular size): تقريبا 15x21cm. هو المقاس العادي ل كل المانجا و الروايات اليابانية بغض النظر عن النوع.
- حجم أوريجينال (Original size): تقريبا 17x25cm. أقرب حاجة ل حجم الكتاب الأصلي.
دوس هنا عشان تشوف هايلايت انستاجرام بيوريك الفرق بين الحجمين.
يرجى العلم!!
كل الأوريجينال (Original size) كوميكس متوفرين بجودة الليزر (Lazer) فقط!! لا يوجد حجم أوريجينال مع جودة إينك (Inkjet)!
بأختصار, دي كل أنواع الجودة المتوفرة مترتبة من الأدنى للأعلى سعراً:
- Regular size Inkjet: صديق المحفظة لو انت مش مهتم بجودة قوية اوي و اهو كتاب تقرأه و السلام.
- Regular size lazer: نفس جوجة الأصل بس حجم أصغر عشان يكون في متناول اليد.
- Original size: أستثنائي, يستحق الإقتناء. الأختلافات بينها و بين الأصل قليلة للغاية! (في بعض العملاء بيقولوا ان بتاعتنا أحلى... هنخليك انت تكون الحكم!)
اه, بنوفرها ب مبلغ إضافي!
بالرجاء العلم ان احنا مش بنوفر dust jacket\sleeve مع كتبنا الهارد كافر.
اه, بناخد ديبوزت!
بنحتاج 50% من الإجمالي عشان نبدأ شغل على طلبك.
متاح عندنا انستاباي, فودافون كاش, و تيلدا.
برجاء الملاحظة ان في حال بدائنا الشغل في طلبك, غير متاح إسترداد مبلغ الديبوزت خلاص.
لأننا بنعمل كل كتاب مخصوص بالطلب بالمواصفات الي تناسب حضرتك...
و ده بيستهلك موارد, سواء ورق أو كهرباء أو مجهود من عمالنا في اننا نطلع منتج مناسب ل حضرتك.
في Astral, احنا حريصين جدا على تقديم كوميكس و مانجا ب جوده استثنائية تستحق الإقتناء و التجميع, و برضوا خياريات تناسب كل ميزانية و كل إحتياج.
عشان نوصل ل ده, احنا بنطبع كل كتاب عند الطلب.
ف هتلاقوا ان نظام الشحن عندنا مختلف شوية عن البائعين الثانيين الي بيكون عندهم مخزون جاهز.
- وقت الإنتاج (من 5 ل 7 أيام عمل): في عوامل كثير بتشارك في العملية دي, من ضغط الشغل ل كمية العمالة المتاحة في المكتب (و مننساش مزاج عزيزه هانم) (P.S. عزيزه دي أحد من أهم هابز الطباعة عندنا و هي عندها شوية... خوازيق عاطفية... كثيرة شوية...) ف ممكن ياخد مننا لحد أسبوع عشان ننتج كتبنا, نجلدها و نغلفها في تغليفنا المميز.
- وقت الشحن (حتى 5 أيام): دي بقا عندنا تحكم ضئيل فيها. الشحن يعتمد على المكان و امتى بعض خطوط الشحن بتشتغل في شركة الشحن.
- إجمالي الوقت (من 8 ل 10 أيام عمل): ده من معاد تأكيد الأوردر عن طريق الديبوزت\الدفع المقدم و التأكيد مننا.
في بعض الحالات, ممكن نوفر خدمة أسرع شوية بس مش ديما دي بتكون القصة عشان متجرنا المتواضع, للأسف, معروف ب سوء الحظ (ايوة جيبنا شيخ و حيبنا قسيس و مافيش فايده)... ف ساعات ممكن يحصل تأجيلات بسبب أوضاع الطقس, العطلات الرسمية, مشاكل في شركة الشحن...
بس لا تقلقوا! الأدمنز بتوعنا هيكونوا معاكم في كل خطوة لو عندكم أي سؤال عن طلبكم!
في Astral, مهمتنا توفير أفضل جوده-مقابل-سعر ممكنة. ساعات منتاجتنا بتتعرض لبعض الأضرار أثناء الشحن, لكن أولويتنا هي رضاك عن منتجاتنا.
- منتجات تالفة أو معيوبة فقط: بسبب خدمتنا الي بتكون "بالطلب", أحنا منقدرش نقبل غير ب تبديل المنتجات التالفة أو المعيوبة فقط.
- في خلال 48 ساعة! منقدرش نقبل دعوه بالتبديل متبلغناش بيها في خلال 48 ساعة من إستلامك للأوردر. لو حضرتك مبلغتناش في خلال الفترة دي, للأسف احنا منقدرش نعمل اي حاجة نساعد حضرتك بيها.
- أزاي تطلب تبديل: الرجاء التواصل مع اي اكونت من اكونتات السوشيال ميديا بتاعتنا ب بيانات الطلب بتاع حضرتك و صورة واضحة للعيب أو التلف بالكتاب.
- و بعدين؟ التيم بتاعنا هيكون معاك فورا لتقييم مشكلة حضرتك و تقديم بديل لو تطلب الوضع.
N.B. لازم نبلغ ان الاستبدال هيكون ب نسخه اخرى من نفس الكوميك المطلوب.
احنا مش مسؤولين عن اي أخطاء و حضرتك بتختار جودة الكوميك بتاعك على الموقع أو عن طريق الرسائل.
أحنا مش مسؤولين لو حضرتك متأكدتش من الفرق بين كل جودة و الثانية قبل ما تطلب.
إسترداد المبلغ بالكامل غير متاح الا في حالات نادرة جدا محددة مديرنا هتكون سعيدة انها تتناقش معاكم لو تطلب الأمر.